Tatari, su movimentu omosessuali afestat is binti annus de atividadi

Di Massimo Mele il 19 Febbraio 2012. Nessun commento

Una cunferèntzia asuba de sa storia sua e una grandu festa po afestai is binti annus de su movimentu omosessuali sardu. S’assotziu tataresu at apariciau po custa coa-de-cida, una filera d’eventus po arregordai sa fundatzioni in su gennargiu de su 1992, de una de is prus realidadi ativas de s’isula. S’incumentzat cenàbura su 17 cun su cunbenniu “MOS, 20 annus de batallas po i deretus de is personis GLBTQ”, in s’interis po su sabudu nci at a essi unu Queer Party.

TATARI – Sa storia de s’assotziu, is batallas suas e is conchistas suas ant a essi a su centru de s’atobiu previdiu po cenàbura su 17 de friàrgiu, una data sìmbulu de una sorti a bortas contraria ma chi dda ant scioberada pròpiu po simbolitzai custa batalla contras a is barrancus incumentzada 20 annus a oi. In su merii ant a torrai a sostenni su Centru Culturali e de Sotzialisadura Borderline, in prena fasi de su torrai a cumponni e de su torrai a ghetai comenti a logu obertu e scapu po totu sa genti de sa tzitadi. S’atobiu est cenàbura su 17 de friàrgiu de is 18 a su CCS Borderline, storica domu de su MOS in bia Rockfeller 16/c. Nci at essi una amosta de medas-medialis, sa presentada de su video “20 annus bivius perigulosamenti”, interbentus de arrapresentantis de assòtzius, politicus, arrapresentantis de is istitutzionis e militantis, amostus tiatralis e drag show. Òspiti de su merii La Karl Du Pignè, chi arrapresentat su cìrculu Mario Mieli/Muccaassassina de Roma. Sàbudu su 18 de friàrgiu de is 23 a sa Scala discobar nci at a essi su Queer Party “Celebration 20 annus”, una festa a carotas po is binti annus aundi ant a pigai parti: Karl Du Pignè, La Trave Nel’Okkio, Golden Lady, Lucretia Orgia, Giangy, Sequencè Knowles, Dolomia Chanel e performance da: Eventz e Night Queer (SS), Go Fish New Concept, Chupa Chupa e Raimbow Cafè (CA). E s’animatzioni, chi no amancat mai, de su Queer Party cun is boys insorus e is drag insorus.

Su MOS. In su Gennargiu ’92 nascìat su cìrculu Arcigay de Tatari. A pustis de sa muda de su nomini in su 1996, annu de sa bessida de s’Arcigay, su Movimentu Omosessuali Sardu s’est arrexinau in su territoriu bessendi s’arreferenti regionali po totus is problematicas chi ndi bessint de s’orientamentu sessuali e de s’identidadi de gèneri. Oferri serbìtzius medas a sa comunidadi GLBTQ (gay, lesbicas, bisessualis, transessualis e queer), comenti a su telèfunu amigu, su counseling, s’assistentzia legali etz. Apariciat initziativas artisticas, culturalis e politicas e fait parti, a tìtulu prenu, de cussa manca sotziali e politica impinnada in su mudamentu de is sotziedadis in totu. Acanta de su movimentu de is fèminas aici comenti a is movimentus paxifistas, indipendententistas e libertarius, gherrat po sa tzitadinantzia prena de totus e cunsiderat su deretu a s’autodeterminatzioni asuba de su corpus e in is scioberus de vida, su balori fondanti de calisisiat politca de liberazioni. In is annus, su MOS at inghitzau progetus nous in prus de su CCS Borderline, il Queer Party, sa festa de autofinantziamentu donnia duas cidas, lòmpia a sa de sesi stasoni e Mosinforma (www.mosinforma.org), una testada giorronalistica in s’arretza cun d-una media de 600 bisitadoris donnia dii.

Fonte Sardegna Oggi