Finas Pigliaru at naradu eja: sa Sardigna unida pro sos deretos e sas libertades de totus e totas

De Massimo Mele su 20 Làmpadas 2014. manco unu cummentu

E a sa fine, finas Pigliaru at naradu eja. Est de eris sa noa de su patrotzìniu de sa Presidènzia de sa Giunta regionale a su Sardegna Pride.

A pustis de sa presidèntzia del Consiglio Regionale, sa provìntzia de Tàtari e de sas comunas de Tàtari, Casteddu, Terranoa, s’Alighera, Portu Turre, Tissi, Bànari, Bòtidda, Aristanis e Mògoro, puru sa Giunta regionale de sa Sardigna favoresset sa manifestada manna pro sas libertades e sos deretos de totus e totas. “Patrotzìniu chi, isperamus, rapresentet su càmbiu de andòngiu de sa Regione subra custos temas e chi nos giugat a curtzu a una lege regionale pro sas parigas de fatu e a s’inserta de s’omo/transfobia intre sos crìmenes d’òdiu de gherrare cun s’educatzione a sa diversidade e a una cultura de su respetu.” cummentant dae su MOS.

Sos patrotzìnios, 14 in totu, sutalìniant sa partetzipatzione manna a custa sa de duas editzione de su Sardegna Pride, promòvidu dae su coordinamentu sardu de sos assòtzios LGBTQ.

“Semus ditzosos de custu acotzu”, comùnicant is organizadores, “ancoraschì si sos gastos sunt totus a càrrigu nostru, e de sa Fondazione Meta, ùnica istrutura pùblica a àere sustènnidu su Sardegna Pride dae s’inghitzu, amus a èssere ditzosos de nos impinnare a covecare totu sos bufos si custa manifestada at a serbire a isterrinare, a su nessi in parte, su muru de su pregiudìtziu e de s’omo/transfobia”.

Custa publicatzione est disponìbile fintzas in: Italian